لقاء الخميسي: “ابتديت من الصفر.. وابني خلاني أعيط 3 أيام”

كتبت – هاجر الأهواني 

عبرت الفنانة لقاء الخميسي عن حبها للنجاح وتمنيها لعمل أفلام غنائية قائلة: “عندي شهوة للايس كريم وشرا اللبس والنجاح من حقي لاني تعبت وابتديت من الصفر”. 

وتابعت: “حلم حياتي اعمل حاجة غنائية زيها زي افلام برا، ولو اتعرض عليا في السعودية عمل هوافق بس شرط حاجة جامدة، وده في اي حتة في العالم من شرط السعودية، ياريت في مصر”.

وصرحت لقاء الخميسي، خلال استضافتها ببرنامج “أسرار” مع الإعلامية أميرة بدر المذاع على قناة النهار: “بخاف من الحسد، ومبركزش في حاجات وحشة”.

وأضافت الخميسي: “عمري ما اتمنيت اني اعمل دور حد، كل مرة اشوف أدوار زمايلي أقول عاملين الدور حلو، لاني لو مشفتش اللي عندي هيروح مني”.

واردفت لقاء قائلة: “كان عندي غضب بس بعد الرياضة الدنيا هديت شوية، معظم غضبي مع ابني الكبير، عمري ما اتنرفزت في الشغل، مبحسش بنفسي، وبحدف حاجات على اللي قدامي ولما مسكني من دراعي مرة عيطت 3 ايام”.

واختتمت حديثها قائلة: “بعدها اوسا زوجي خلاه يجي يعتذر، وهو حبيبي جدًا، وزوجي عمره ما اتعصب وهينقطني بهدوءه، ووجهة نظره بيقول ان لو زعقنا نقنع الناس ازاى، يبقى نتكلم بالهدوء”.