كتبت : نورا عادل و أحمد الدخاخني
وفاطمة عبد الباقي و إيمان يحي
أعادت العائلات المصرية على تقديم هدايا ذهبية للعروس من عيار 21و24 كونها الأغلى في سوق المشغولات، مع كل إرتفاع جديد لأسعار الذهب تتحطم فى المقابل أحلام شباب الذين أقبلوا علي الزواج ادخروا ما يكفى لسعر الشبكة، وتحقيق حلم الزواج الذى تقف أمامه العشرات من العقبات والتكاليف من الأهل.
وحرصت «عيون الشرقية الآن» علي فتح الملف و تقديم الآراء حوله ، حيث أوضح الشيخ الدكتور عصام الصيفي، من علماء وزارة الأوقاف، الذهب الذي يُعطيه الرجل للمرأة التى تزوج بها هو من باب الهدية أو من باب المهر على خلاف بين الفقهاء، مشيرا إلى أن لو اعتبرناه هدية فهو ملكها لا يجوز له الرجوع فيها، ولو كان الذهب من باب المهر وجب له نصفه بسبب العقد عليها ويجب المهر كله بسبب الدخول بها، وعليه فالذهب سواء أكان بعد الدخول أو بعد العقد فهو ملك للزوجة ولا يجوز لزوجها أخذه إلا إذا توافقت على ذلك وتراضيا فيما بينهما.
وأوضح أن كتابة الذهب فى قائمة المقولات لا أصل له فى الشرع وقائمة المقولات نفسها لا أصل لها فى الشرع، ولكن جرت العادة على ذلك وهذا هو عُرف العرب.
كما أكد فضيلة الشيخ: الشبكة هى هدية من الرجل للمرأة التى يرغب فى الزواج منه وليست فرضاً، ودليل استحبابها قول النبي صلى الله عليه وسلم “التمس ولو خاتماً من حديد”.
وتجولت كاميرا «عيون الشرقية » بين الشوارع للتعرف على أراء الناس
قال “محمود على” هنعيش عادي وهنرضي باللي ربنا كاتبه هنعمل اي ده الواقع والدنيا كلها غاليه مش هنعيش يعني اكيد لا هنخطب لو فضلنا مستنيين ان الدهب ينزل يبقى مش هنتجوز والعنوسة هتزيد.
وأضاف “احمد محمد” وأنا مش هعيش ولا هتجوز يعني اكيد هتجوز بس ف الوقت المناسب ولو انا شاري البنت اللي هخطبها هجيبلها اللي هي عاوزاه.
وتوضح “أميرة محمد” طالما عايزين بعض هنرضي ونعدي اي ظروف والدهب مش كل حاجه اهم حاجه شخص يحبني علشان الغلا ع الكل ودي أزمة عالمية احنا بنختار الشخص السوي مش الدهب.
وختمت “همت محمد “انا هخلى خطيبى يجبلى ب50 الف او100 الف المبلغ ده ميجبش 10 جرام دلوقتي في الغلاء اللى الناس بتعيشه وغير كده بعد الجواز كده كده هو بياخده
وتنهال التعليقات على مواقع التواصل الاجتماعي “فيس بوك”
“المشكلة أن الناس بتبص ومحدش بيرضي بحاله للاسف موضوع الجواز عندنا بقا بيع وشراء”
ويأتي تعليق :”والله الذهب ما ليه أي لازمه يعني ايه جوزي يجبلي عشرة كيلو ذهب ويعاملني معامله زي الزفت والله أهم حاجة المعاملة الطيبة والكلمة الحلوه اللي عند جوزي اتقله بالالماظ مش بالذهب”.
ويأتي تعليق آخر :”في ناس بتجيب شبكة غاليه وتتباع تاني يوم الفرح وفي ناس بتتجوز من غير ذهب اصلا وبتقف جنب بعضها لحد ما ربنا يكرمكم ويجبوا اللي همه عيزينه”.
واخر :” أنا ما ينفعش ما جيش لمراتي دهب، بس مش بالتكاليف الخيالية اللي موجود النهارده ممكن اجيب دهب وفضه
واكيد لما نتجوز كل فتره اجبلها حاجه والفكره في معدن الراجل مش معدن الشبكة.”
