كتبت – بسمة غربية
كشف الفنان حمدي بتشان، عن أعماله القادمة، كما رد على منتقدي اسم أغنيته الجديدة “كله بوء”، الذي طرحها خلال الساعات الماضية على موقع “يوتيوب”.
قال حمدي بتشان في تصريحات صحفية، إن أغنية “كله بوء” يوجهها لكل الكذابين في حياتنا، موضحًا أن اسم الأغنية فكرتها كانت اختيار نجله محمد.
تابع الفنان: “الناس اللي بتقول الأغنية فيها إسفاف، طب إزاي بتسمعوا ناس بتقول هعورك وهنخش السجن عادي في أغاني المهرجانات اللي استحالة أشتغل معاهم، وأنا بتهاجم على طول من وقت اسم أغنية الأساتوك”.
وأوضح بتشان أن الأغنية استغرقت ما بين أسبوعين لثلاثة أسابيع في التحضيرات، مؤكدًا أن أغنية “كله بوء” هي جملة على لسان كل الناس، وحبيت اتكلم بلغة قريبة من الجمهور.
رد حمدي بتشان عن سبب اختفائه، قائلًا: “أنا موجود ومختفتش وبحضر أغاني جديدة كتيرة الفترة الجاية هتكون بره الصندوق وبعيدة النماطية”.
تقول كلمات الأغنية:
سد ودنك بعد إذنك مهما قالوا وعشموك
وإوعى في حبال المودة بالأونطة يعلقوك
هيعملولك البحر طحينة وهيقولولك إنت في عنينا
ويوم ما تغرق السفينة هينطوا منها وهيسيبوك
مش مهم اللي بيتقالك المهم اللى إتعملك
قوللي مين بس في همومك، لما اتربطت جه وحلك؟
