جوا الوشوش المبهمة
سؤال لنفسك تسأله
ايه لبكره تقدمه
وأنت اللي مكتوب لك تعيش
وأموت أنا
ليه يا صاحبي
ما تكونش أنا
الارض يصبح نبتها
إنسان بجد
سؤال لنفسك تسأله
ايه لبكره تقدمه
وأنت المكتوب فوق جبينك
ترسم علي شطوط الحياة
بسمة وامل
عيش وأنت واحد منها
ما تكونش ايد بتهدها
عيش وأنت شايف فرحها
بيهل فوق غصن الشجر
وسؤال لنفسك تسأله
ايه لبكره تقدمه
د. إحنا الاتنين ميتين
ف الموت نقابل فعلنا
هنقول ساعتها لموتنا ايه
ـــ
شعر / محمود رمضان
