كتبت – بسمة غربية
تحدثت الفنانة بشرى عن انتقاد الناقد الفني طارق الشناوي، وهجومه على فيلم أولاد حريم كريم، والذي قامت بإنتاجه مؤخرًا، والعمل من بطولة الفنان مصطفى قمر.
وقالت بشرى في تصريحات تلفزيونية، إن فيلم أولاد حريم كريم يجمع بين النوستالجيا والجيل الجديد، والكواليس مع المخرج علي إدريس كانت جميلة.
وعلقت الفنانة: “اسألوا الشباب الجديد اللي اشتغل مع فنانين عندهم خبرة حسوا بألفة ولا، الناس مستغربة حالة الحب اللي موجودة في العمل، وده قليل لما بيحصل في الوسط بتاعنا”.
وتابعت بشرى: “في بعض النقاد آرائهم انطباعية مش تحليلة بشكل علمي بتحسس الناس أنهم مشافوش الفيلم أصلا ومسكوا في شخص واحد اتكلموا عليه، والحمدلله ردود الفعل عند الجمهور حلوة جدا، ولا صوت يعلوا فوق صوت الجمهور، أصل ده فيلم مهرجانات ولا صوت يعلوا فوق الجمهور هو اللي بيحدد”.
وأكملت: “الفيلم جماهيري مش بتاع مهرجانات سينمائية عشان يكون نقدي بالشكل ده، أهم حاجة الناقد يحلل الفيلم وميقتصرش مجهود الفيلم في شخص واحد، عيب في ناس ورا الكاميرا اشتغلت وعمال كمان”.
وأنهت بشرى حديثها: “مفكرتش أكلم طارق الشناوي ولا ألومه ومن إمتى وهو بيمدح أساسا، أنا عندي مبدأ في الحياة اسمه سيري يا نورماندي، مهما حصل مبقفش لكن هو زميل ومعايا في كذا لجنة تحكيم، ولكن مبنتظرش منه مدح يعني”.
