كتبت – أسماء حليمة
أعربت الفنانة فاطمة عيد عن رأيها في خيانة الرجل لزوجته، موضحة أن الزوجة هي من تدفعه للخيانة.
وقالت فاطمة عيد: “الست هي السبب في إنها دفعته إن الراجل يحب غيرها، وهي اللي مطفشاه، لو هي أخت وأم وخالة وعمة، ولو بتسايسه وبتكلمه حلو وبتعامله بما يرضي ربنا وملبية له كل طلباته عمره ما يبص لغيرها”.
وواصلت فاطمة عيد حديثها قائلة: “مفيش حاجة اسمها مولعة له صوابعها العشرة شمع يعني هو من الباب للطاق هيتنرفز عليها، النساء ناقصات عقل ودين”.
وتابعت: “الرجال قوامون على النساء، الراجل راجل والست ست مهما كان كيانك لو عندك كنوز الدنيا ومعندكيش أخلاق يبقى ملعون أبو الفلوس اللي ما تسعدش صاحبها”.
وأضافت: “لو الست مش معاها إلا قوت يومها ومؤدبة وأخلاقها عالية وبتراعي ربنا في جوزها وولادها يبقى الحياة بتستمر وحاجة تشرح القلب الحزين”.
