حوار تحية محمد
عيون الشرقية الان تحاور المذيعه الصغيرة التي خطفت الاضواء في عمرها هذا
أحب اتعرف عليكي
ميرام محمد صابر
مؤهلك الدراسي
الصف الثالث الاعدادي بمدرسه صفط الحنا الاعداديه
ماذا كانت بدايتك ؟؟
بدأت القاء الشعر في الصف الأول الاعدادي
هل يوجد من شجعك ؟
نعم يوجد من شجعني علي الإلقاء وهو المحاسب وليد درويش،وذلك من خلال مركز شباب صفط الحنا
ومازال مستمر في تشجيعي من خلال تدريبي داخل مركز شباب صفط الحنا
ولما فكرت إنشاء صفحه خاصه لي دعمني دعما كبيرا و وجهني في اختيار القصائد الخاصه بيا
كيف توازنين بين المدرسة والتصوير؟
الدراسة أولاً والتصوير وقت الفراغ فقط، وبعد ما أخلص واجبي، ماما تراجع معي الدروس قبل أي حلقة، والمذيعة الشاطرة لازم تكون متفوقة.
ما أصعب سؤال وجهتيه لضيف كبير؟
مفيش سؤال صعب لاني بختار ضيوفي كلهم قامات في المجتمع ونحن نقتضي بهم لا يوجد سؤال من الأسئلة ضيفي رفضها
هل تتعرضين لتعليقات سلبية على السوشيال ميديا؟
اكيد بتعرض لتعليقات سلبيه أستفيد منها وحاول أطور من نفسي واتقدم واكون احسن واي تعليق من متابع استفاد منه اكيد هيكون ايجابي مش سلبي
إيه نوع البرامج التي قدمتيها؟؟؟
قدمت برامج كتير في رمضان برنامج كان اسمه كلام من نور كنت أستضيف ناس مهمه ولها تاثير في المجتمع وفي عيد الربيع نزلت الشارع كي اسجل مع الناس فرحتهم بعيد الربيع وفي عيد الاضحى نزلت سجلت مع التجار أسعار اللحمه والاضاحي وان شاء الله في برنامج جديد بحضرله
مين هي قدوتك الإعلامية؟
مني الشاذلي قدوتي في مجال الاعلام لأني بحب طريقة سؤالها الهادي اللي يخلي الضيف يحكي من قلبه.
ما هو حلمك بعد 10 سنين؟
حلمي اكون طبيبه اساعد المريض وكذلك بحلم انمي موهبتي واكون نجمه كبيره اثر في المجتمع وأقدم برنامج حواري كبير على شاشة رئيسية ينفع الناس
موقف والدتك ايه من اهتمامك بالشعر؟
ماما كانت تختار القصائد المناسبه واسماء البرامج وضيوف البرنامج كمان
توجهي كلمة شكر لمن؟
اشكر والدي انه وقف جنبي ودايما كان داعم ليا تشجيعه المستمر ،كما اشكر المحاسب وليد درويش انه قدر موهبتي وساعدني اني اكون احسن، اشكر أيضا استاذي الأستاذ علي الغمري مدير مدرستي دايما كان يساعدني و يشجعني استمر
اوجه كلمه شكرا لكل شخص تابعني وكل من وقف معايا و دعمني بكلمه حلوة وبسببه بقيت احسن
أشكر حضرتك طبعا علي اللقاء الجميل ده
