كتب – أحمد عبد الفتاح
كشف المخرج عمرو سلامة عن تجربة فيلم “ستين جنيه”، من بطولة مطرب الراب زياد ظاظا، ومن المقرر عرض العمل في مهرجان الجونة السينمائي في دورته السادسة.
وقال عمرو سلامة: “أعتقد إنه مفيد إن مهرجان الجونة كمهرجان سينمائي يعرض فيلم عن عالم الـ هيب هوب وعن أغنية هيب هوب، لإنه سبق ومن الأحداث المهمة اللي اعترفت بالفن ده وتديله الشرعية اللي محتاجها”.
واكد المخرج عمرو سلامة: “سمعت أكتر من أغنية لـ زياد ظاظا، ولكن أغنية ستين جنيه فيها تجربة شخصية ودورت على أغنية يكون وراها قصة تتحكي.
واضاف سلامة: “وفكرة إن فيلم قصير يكون افتتاح مهرجان الجونة خطوة هتقدر قيمة الفيلم القصير، وأتمنى تكون بداية وفاتحة إن الأفلام القصيرة يكون ليها سوق جماهيرية”.
وأوضح عمرو: “قبل أي عرض فيلم ليا بنام وبحضن المخدة وبتوقع نقيضين وهو إن الناس بتسقف وبتقول ده أحسن فيلم شوفناه في حياتنا.. وبتوقع إن الناس كلها بتشتمني وبتقولي إيه القرف اللي أنت عامله ده، وخايف جدًا لإن مهرجان الجونة يعتبر مهرجان كبير جدًا والناس المعزومة ناس مهمة”.
وتبلغ مدة فيلم ستين جنيه 18 دقيقة، وتدور أحداثه حول زياد المراهق الموهوب، الذي يعيش في فقر مع شقيقه المعاق ووالدته، ومن خلال أحلام اليقظة الموسيقية نكتشف سرًا غامضًا تتورط فيه العائلة.
ومن شأن هذا الرابط العائلي أن يمنح زياد الفرصة لـ البدء من جديد، والعمل من بطولة الرابر زياد ظاظا، ومدير التصوير هو أحمد طارق بيومي، ومن إخراج عمرو سلامة.
