كتبت – أسماء حليمة
تحدثت الفنانة سلمى أبو ضيف عن اختيارها لأدوارها الفنية، موضحة أنها تختار الأدوار بعناية شديدة، وتأخذ رأي والدتها في الأدوار.
وقالت سلمى أبو ضيف: “الهدف بتاعي أعمل الحاجات اللي أنا حاباها ولما حد من المقربين ليا سواء أهلي أو صحابي يشوفها مبقاش مكسوفة من نفسي وأنا بتفرج، وبختار الأدوار بعناية، وبرجع لأمي وباخد رأيها في الأدوار”.
وعلقت “أبو ضيف” عن علاقتها بدعم والديها لها في بداية حياتها، قائلة: “شوفت الدعم من أهلي ودخلوني الجامعة اللي انا عايزاها”.
وأضافت: “كان نفسي ابقى مذيعة اخبار كنت بحب انقل الاخبار للناس وكنت بحب فيلم جاءنا البيان التالي، ولكن بعد كده ملقتش ده شغفي”.
وواصلت: “عملت مودلينج في يوم مفتوح وخدت ألف جنيه، ومعملتش فاشون شو في حياتي، وعملت مودلينج من 2014 لـ 2017”.
وتابعت: “بدأت من أول ظهوري في أغنية شيروفبيا وجيت فيها، ومكنش في دماغي أني همثل لما كلموني على مسلسل حلاوة الدنيا كنت بتنطط ومش مصدقه نفسي”.