شعر / نبيل مصيلحي
الغاوي .. التصاوير في الفيس
قلبه اسود سيكوباتي
دار هنا وهناك يهاتي
ينتش رغيف الصبح ..
من إيد الضعيف ..
المستخبي في شكوته ..
جوه أنَّات الأهات
المكلمنجي .. واللومنجي ..!!
تأبجه اللحلوح / جنيه
يعني بالمفهوم بواكي
يفرش الوش اللي شاكي
شئ زباله ..
لمَّه العتامه والخباثه
والخيانه .. والجهاله
في قلب ( فايل )..
لمرمَّه آخر شرشحه
( فايل ) وفيه سقط المتاع
كل التعالب والسوالب
والمصايب والنوايب
والرشاوي المقرفه
الإنتهازي ….
سارق جيوب الناس .. وجيب
الصبح وشروق الضيا
غاوي تصوير المحالس ..
غاوي شهره وأنتكه ..
وصيت وضجه وإعلانات
جنب الحيتان .. !!
القطط تمشي بـِ .. بس
والكلاب تمشي بـِ .. هش
وهوه ما بيبس أو حتى يهش ..!!
عمره ما بيمشي بطيابه
كلهم أصناف حُثاله
فيها جيفه ..
وكل ألوان النتن
عمره ما يقدر يتوب
أصله علم ..
مغروز في طين
وعجين غلط
يا فصيح ..
عدّ شوف في جيوبك إيه
من مرمات النحاته
من وساخة لاعلانات
كام جنيه منهم نضيف ..؟!
ناس نضيفه بتتقي دم البلد
وانت نابك نار بتحرق ..
كل زرعة بتتولد على شط نور
الدمع ناس .. والهم ناس ..
والألم ساعة المهانه برضه ناس
كل قرش نتشته غصب بدم ناس ..
الزمن داسهم فماتوا ..
جوه أغوار المحن
ينطقوا الأهه بدموع
تطفي جواهم شموع
يا عديم الطعم واللون الروايح
ياللي غاوي تهون على نفسك
فهون .. فوق الدبايح ..!!
يا صدى أجوف عنيف
لمّ لو تقدر أناك ..!!
واغسله في بحر الإيثار
تلقى بعده الناس في عينك طيبه
وانت أطيب م الطيابه
افهمها صح ..
واهجر التصاوير
وقرش نازز / آه ودم ..!!
قوم وموّت جوه منك
شخص كان دايما يطاطي
للغلط ..!!
قوم وموّت جوه منك
أي شئ ممكن يكون
سيكوباتي ــــ
