كتبت – آلاء رضا
كشفت النجمة حنان يوسف، خلال تصريحات تليفزيونية له، عن شخصيتها في مسلسل سفاح الجيزة بطولة النجم أحمد فهمي، الذي يُعرض حاليًا عبر منصة شاهد Vip.
وقالت حنان يوسف: “أحمد فهمي عامل دور السفاح حلو جدًا، وأنا اتخضيت منه أول ما شوفته في اللوكيشن وقولت مين ده؟”.
وتحدثت حنان يوسف، تأثرها بشدة بشخصية والدة السفاح التي جسدتها خلال أحداث العمل.
حيث قالت: “الشخصيات زي دي لازم تتقمص، ممكن أعمل شخصيات غير دي من غير ما أتقمص، لكن دي من الشخصيات اللي لازم أبقى أنا هي علشان هتضحك إزاي هتمشي إزاي تفاصيل كتير لازم أبلعها وأطلعها، ودا صعوبتها لأنها أثرت على دماغي جامد”.
وأضافت: “أنا طايرة من ردود الأفعال على شخصيتي في مسلسل السفاح، حاسة إني صغرت 20 سنة، وقبله كنت متكومة في البيت، وأخيرًا جه التقدير بعد 30 سنة تمثيل”.
وأوضحت حنان يوسف، سبب تأخرها فنيًا، قائلة: “أنا ممثلة درجة تانية أو تالتة، ومش في مرحلة إني اختار نص، ومش أنا سبب تأخري فنيًا وكل المخرجين اللي اشتغلت معاهم كانوا كويسين وعرفوا يخرجوا مني حاجة”.
واختتمت حنان حديثها: “أنا مكنتش عايزة أطلع ممثلة لأني بتكسف، كنت عايزة أطلع رقاصة وارقص في الأفراح، لأن كان في إسكندرية كازينو جليم بيعمل أفراح، وكنت عايزة أبقى عالمة”.
مسلسل سفاح الجيزة
وحقق المسلسل منذ عرضه نجاحًا كبيرًا، وأصبح حديث رواد مواقع التواصل الاجتماعي، حيث تدور الأحداث حول سفاح، وارتكابه عددًا من جرائم القتل بطرق عنيفة، وما زالت الأحداث تجري في هذا الإطار.
ويشارك في بطولة العمل كلًا من: أحمد فهمي، داليا شوقي، ركين سعد، حنان يوسف، ريم حجاب، باسم سمرة، أحمد فهيم، وغيرهم، والعمل تأليف محمد صلاح العزب، وإخراج هادي الباجوري.
