كتبت ـ إيمان أشرف
كشفت الفنانة أمينة عن رأيها، بخصوص شائعات مسيئة وإتهامات بتجارة الأعضاء المقدمة ضد الفنانة وفاء عامر، وذلك عبر حسابها الشخصي على موقع التواصل الاجتماعي “فيسبوك”.
وخرجت أمينة عن صمته، حيث قالت: “ربنا وحده أعلى وأعلم حجم ألمي عليكي من ناس لا عندهم أصل ولا فصل، الست دي بنت أكابر، أبوها الله يرحمه كان راجل تاجر في سوق كبير، عم فاروق عامر، اللي ربى عياله على العز والكرامة”.
وتابعت: “أنا شفت ده بعيني من خالاتي وأهلي في باب عمر باشا، عن الجدعنة مش هقولكم، وعن حبها للخير وفرحتها بفرحة غيرها، ست بنت بلد بحق، بتحترم الصغير قبل الكبير، ودايمًا وشها حلو على الناس”.
ووجهت أمنية رسالة قوية وحادة لكل من يهاجم وفاء عامر دون دليل، معلقة: “عايزة أقول حاجات كتير أوي عنك يا أم عمر، لأنك تستاهلي كل خير، بس حرام، اتقوا الله، كفاية عبث وقلة أدب! هو ده جزاء الخير؟ هو ده جزاء واحدة طول عمرها بتسند الناس؟”.
وختمت أمنية رسالتها بكلمات حزينة لكنها كلها وفاء: “ده انتو كده بتخلو الواحد يراجع نفسه مليون مرة قبل ما يعمل خير، ربنا كبير، ومفيش حد بيضيع عنده حق”.
