كتبت ـ بسمة البوهي
أكد المطرب أمير عيد خلال حفل فريق كايروكى، فى ختام مهرجان العلمين فى دورته الثالثة، أن جمهور الباند ملهم و أنه بيقدم الأغانى التى يحبها، وتعبر عن قناعته وأفكاره.
وقال أمير عيد: ” أنا بعمل الأغانى اللى بحبها مش عشان أكون براند أو ساعة، أنا مش كيس شيبسى عشان أبيع أكتر حد، أنا فنان حر الشئ اللى بيحركنى قناعتى وأفكارى وبغنى لجمهور حر عنده أفكار، وبيحب يفكر وبيحب يحس أن دائما محدش فاهم أفكاره شكرًا ليكم على ثقتكم وعلى أنكم جمهور ملهم”.
وأضاف: “زمان كنت فاكر أنى بغنى لوحدى فى غرفتى، ومحدش هيسمع اللى أنا بعمله لكن بوجودكم غير كل شئ، أنتوا السبب أنى مش بغنى لوحدى وأن الأغانى دى بتعيش، وأنى مش لوحدى فى العالم اللى بقى دمه تقيل وغير حقيقى شكرًا ليكم”.
ويأتى تنظيم هذه النسخة الجديدة استكمالًا للنجاحات التى حققها المهرجان فى دورتيه الأولى والثانية، وأثبت خلالها مكانته كمنصة شاملة تضم كل ألوان الفنون والترفيه.
وجذب أنظار الملايين داخل مصر وخارجها، إذ شهدت الدورة السابقة مشاركة واسعة من مختلف فئات المجتمع، واستقبال زوار من أكثر من 104 جنسيات حول العالم، بالإضافة إلى حضور عدد كبير من الشخصيات العامة والمسئولين والدبلوماسيين من الدول العربية والأجنبية.
