كتبت – إيمان عمارة
رحل عن عالمنا اليوم المخرج أحمد البدري، ولم يحدد أي من أسرة الراحل تفاصيل الجنازة، وتشييع الجثمان حتى الآن.
وأكد الفنان منير مكرم عضو مجلس نقابة المهن التمثيلية، خبر وفاة المخرج أحمد البدري، بمنشور عبر فيسبوك، قائلاً: “الدوام لله المخرج الكبير أحمد البدري”.
وقدم أحمد البدري العديد من الأعمال الفنية الشهيرة، ومن أبرزها، فيلم “عمر وسلمى 2” لتامر حسني، مي عز الدين.
وكان قد هاجم صديق المخرج أحمد البدري أصدقاءه، وذلك بعد أن رفضوا زيارته، وذلك في منشور له عبر مواقع التواصل الإجتماعي الشهير “فيسبوك”.
وقال صديق المخرج أحمد البدري: “إخص بجد، كما تدين تدان، الناس بقت قاسية كده ووحشة مع بعضها، صديقي الغالي المخرج أحمد البدري كان كويس مع كل الناس، وياما خرج نجوم، وطول عمره صاحب واجب مع الكل”.
وأضاف صديق المخرج: “ليه لما يبقي في أصعب أيام حياته، ومحتاج الدعم حتي لو بكلمة مايلاقيش، دي زيارة المريض صدقه، إحنا بنتصل بالناس علشان يجوا يزوروه بس، ويعملوله دعم نفسي، بعد بتر رجله، وإن الحالة عماله تتدهور، وكله قال مش فاضي ولا واحد من زمايله وأصدقاءه زاره، معقوله ياناس”.
واستكمل قائلاً: “لكن طبعاً لو توفاه الله كله هايروح عامل بوست متشحتف فيه ع الفيسبوك ويقول صحبي وحبيبي مش كده؟، الراجل رجله اتشلت، وفيروس في الدم، ومشكلة في الرئة وسكر مرتفع وتنفس صناعي، ومحدش من زمايله زاره، زورو المرضي عشان لما تمرضوا تلاقوا اللي يسأل عليكم، إدعوا لبعض بالشفاء عشان لما تتعبوا تلاقوا الي يدعلكم”.
وتابع: “والناس اللي بتقعد تسأل عن العنوان، هو في معهد ناصر اللي على الكورنيش، الرعاية المركزة من 4-5، وروحوا زوره واخلصوا النية لله، ربنا يشفيك ويعافيك يا بدري، ويشفي ويعافي كل مريض”.
