كتبت – إيمان عمر
حلت الفنانة هنادي مهنا، ضيفة في برنامج “من مصر” الذي يقدمه الإعلامي عمرو خليل عبر فضائية cbc، وتحدثت عن مراحل حياتها وأعمالها الفنية.
وقالت مهنا: “أنها شاركت في مسابقة “ذا ڤويس فرنسا” ونجحت و وصلت ل 500، وكانت تتمني تغني باللغة الإنجليزية، لأنها اللغة الأساسية في مدرستها.
وأضافت النجمة: “وبعدها الدنيا اخدتني اكتر ورجعت مصر وكنت في الأكاديمية مع والدي، وبحب التدريس للأطفال، عندى ذكريات كتيرة مع اللي درست في الأكاديمية لهم وحاليا في كلية طب وبفرح قوي بيهم“.
واستكملت هنادي: “أول عمل شاركت فيه كان مسلسل أفراح إبليس، وكلمنى المخرج وتواصل معايا، ومحدش يعرف أنا بنت مين ومكنتش عاوز استخدمها في أي حاجة، وجربت، وكان الكلام بالصعيدى، والمسلسل مانزلش وفضلت سنة كنت بمثل ومفيش حاجة تنزلي“.
وتابعت هنادي مهنا مؤكدة: “ولما نزل المسلسل في رمضان 2018 سافرت برا وزعلت، ورمضان 2019 كان أكثر سنة جالي فيها عروض كتيرة فيه.. وشاركت في 3 مسلسلات في نفس الوقت هما مسلسل حكايتي وزلزال وبركة، وكنت باخد البطانية معايا العربية عشان كنت بنام فيها لأن كنت بتنقل من تصوير مسلسل لمسلسل، وكانت سنة حلوة أوي“.
وختمت الحوار بالحديث عن مسلسلها الأخير “مكتوب عليا” مع الفنان أكرم حسني معلقة: “أكرم كفنان بحبه جدا وبحب اغانية جدا وعلى المستوى الانسانى مجتهد جدًا ومبسوطة أن انا اتعرفت عليه.. وشخصية الكوميديا في المسلسل كانت صعبة عليا لكن الحمد لله ربنا كرمنى بالدور“.
