كتبت – إيمان عمارة
تمنّت شام الذهبي الصحة والعافية لآدم ابن الفنان تامر حسني وصديقتها الفنانة بسمة بوسيل، وعبّرت عن حبها الكبير له، وطمأنت الجميع بأنه أصبح بصحة أفضل.
وذكرت ابنة الفنانة أصالة نصري في لقاء مع “ET بالعربي”: “ربنا يحفظ أدومي لأنه إن شاء الله يارب يبقى عريس المستقبل لبنتي جيجي، أنا وبسمة اتفقنا، أنا عايزة بسمة تبقى حماة جيجي وتامر يبقى حماها، إيه الحلاوة دي؟”.
وتابعت: “آدم دا حبيبي بموت فيه من وهو صغير حبيب قلبي، يارب يارب يشفيه ويشفي كل أولادنا يارب، ومنشوفش عمرنا حاجة وحشه في أولادنا لأن أنك تشوف ابنك أو بنتك تعبانة دي حاجة قاتلة، يارب ما تتكررش تاني ويشفيه يارب ويحفظ كل الاولاد، هو بقى أحسن الحمد لله بس لسه في المستشفى”.
وأكد الفنان المصري تامر حسني في وقت سابق أن حالة طفله الصغير أصبحت مستقرة بعد العملية الجراحية الثانية التي خضع لها، وخروجه من العناية المركزة، بسبب انفجار الزائدة الدودية بشكل مفاجئ، شاكرًا محبيه من الفنانين والجمهور على دعائهم لطفله بالشفاء.
