كتبت – سلمى حسن
كشفت ريم طارق في لقاء تلفزيوني طليقة حسن شاكوش، إنها لم تعتذر له في الفيديو الذي نشره حسن لها على حسابه بفيس بوك.
مشيرة إلى أن حسن عثر على الفيديو من الأشخاص الذين توسطوا لحل الخلاف بينهما ونشر الفيديو على حسابه دون أن يعيد لها حقوقها القانونية وأخل باتفاقه.
وأضافت: “محتاجة أن كل شخص يضيع من وقته 30 ثانية ويتفرح على الفيديو بتاعي اللي بيقول فيه أني اعتذرت له، وأني شفت منه كل خير”.
واوضحت: أنا ما اعتذرتش ولكن عملت الفيديو علشان آخد هدومي وأبين للناس أني صادقة، غير كده لأ.
وقال ريم باكية: حسن شاكوش خدعني وفضحني وشهر بيا وقال لي أني عندي أمراض واتكلم عني وداس على كرامتي بالجزمة قصاد فيديو علشان يبين اني بعتذر، ولكن أنا ما اعتذرتش ليه عن أي حاجة.
وتابعت ريم: “إعتذرت في الفيديو لوالدي ووالدتي ومامته لأنها ست كبيرة ولها كل الاحترام والتقدير، وبقول لها طلعي نفسك بره الموضوع”.
واضافت: “وبقول لأهالينا يطلعوا نفسهم برة الموضوع ، لأنه مش مصدر ثقة وخدعني بدل المرة تلات م، رات وأنا هاخد حقي بالقانوان وراضية بيه، وما تستكتروش عليا حقي”.
واردفت ريم طارق: “عملت الفيديو من ورا أهلي وما كانوش معايا في اليوم ده، وما كانوش موافقين وما زالوا مش موافقين، ما اعرفش انهم هيدولوا الفيديو ده مش مصدر ثقة لأي حد، خدعني 3 مرات”.
واشارت: “ومش عارفة هو عاوز إيه من الحرب دي.. هل هو مبسوط من السلطة والنفوذ والسوشيال ميديا هو مش بيفكر في ربنا وأن ده حق ولية ومش بيفكر أنه عنده أخوات”.
واستكملت: “ليه تتكلم على واحدة وتعيب فيها.. أنت مش عاوز تتجوزها من رابع يوم ومدبر ليا المكيدة من أول يوم جواز وعامل في قسيمة الجواز بكر رشيد”.
وقالت ريم: “علشان يوم ما اتكلم تحبسني.. ليه أنا عملت إيه، وإيه اللي بيني وبينك.. وأنت مش مصدر ثقة وحقي هاخده بالقانون ولو ما خدتهوش عند ربنا”.
واكدت: “أنا عندي قضية نفقة وعندي قضية القايمة، وفيه قضية تانية هاخد إجراء فيها من بكرة مش هتكلم عنها وربنا يقدرني والحاجة اللي معايا أعرف أجيب بيها حقي”.
واختمت: “وأنا واثقة في ربنا وواثقة في قانون بلدنا، ولازم الظاهرة أو الشخصيات اللي بتضحك على البنات ينقرضوا وكفاية ضحك على البنات ورميهم في الشارع”.
