كتبت – فاطمة ثروت
تحدث المخرج خالد يوسف في تصريحات تلفزيونية له، عن تعاونه مع الفنانة زينة بفيلمه الجديد “الإسكندراني”، والمأخوذ عن رواية الكاتب الراحل أسامة أنور عكاشة.
وقال خالد يوسف: “زينة أنا بشوفها ممثلة مهمة جدًا، وما يُقال عن إن في مشاكل بتحصل، أنا مبشوفهاش كده خالص”.
وتابع يوسف: “وبصراحة شديدة لما اشتغلت معاها في “كارما”، مفيش ربع مشكلة عملتها، ولا مع فريق العمل ولا في المناخ ولا شخصيتها، وهي مجتهدة جدًا ومكرسة وقتها للعمل، ومركزة جدًا”.
وأضاف المخرج: ” مفيش أي حاجة من اللي بيقولوها دي شوفتها على زينة، علشان كده أنا متحمس أشتغل معاها تاني”.
وكشفت زينة في تصريحات صحفية لها، عن تفاصيل شخصيتها في فيلم “الإسكندراني”، حيث قالت: “اسم الشخصية قمر، وهي بنت اسكندرانية جدعة وحياتها ظالمة، يعني فيه ظلم في دورها”.
وتابعت: “وظلم مشاعر وخداع، وكدب وخلينا نشوف الفيلم، وأي عمل بيبقى مسئولية، وباخد كل عمل بمسئولية، وهقدم شخصية كلها على بعضها مختلفة”.
