(شعر / محمد الباز)
بيكي وحدك أكتفي
لو ضي عيني ينطفي
تكوني ضي لسكتي
يافرح ..ساكن دنيتي
كل القلوب إتجمعت
أول ماعيني دمعت
وايديكي انتي طبطبت
ورجعت لي ضحكتي
فرح الحياه مقسوم لنا
يانور عيونا …….وقلبنا
كل البشر…….. اتعلموا
حب الحياه …..ده مننا
كل ضحكة تضحكيها
ولا همسة …..تنطقيها
يبقي عايش فيا ذكري
م السعادة…. انتي فيها
يوم ما اكون صابح مسافر
تحضني وتضمي فيا
وتقولي لي بلاش تسافر
يا اغلي عندى من عينيا
نظرة منك بتساوي دنيا
وف عيونك قلبي داب
عشقك انتي حاجة تانية
مش حروف ماليه الكتاب
جوة عيني مرسومة صورتك
يانهر عشق ساكن ضلوعي
معني الحياه مذكور بإسمك
دا نظرة منك بتسد جوعي
