إبراهيم أشرف يكشف سبب اختيار بيتر ميمي لشخصية إبراهيم

كتبت – وفاء العسكري

كشف الفنان ومساعد المخرج إبراهيم أشرف في أحد التصريحات عن مشاركته بشخصية إبراهيم، في مسلسل الحشاشين.

وصرح إبراهيم أشرف قائلًا: “اختارني دكتور بيتر ميمي، وخيري سالم اللي كان بيساعدنا شوية في الأول، واسمه مكتوب على التتر شكر خاص على وجوده معانا في العمل، علشان أقدم شخصية إبراهيم، والحقيقة أنا طالع باسمي، وشخصيتي في المسلسل، وده كان طلب الدكتور بيتر مني”.

وتابع الفنان قائلًا: “الشخصية أصلًا مكنتش موجودة في الورق، بس دكتور بيتر حس أنها هتضيف للسياق الدرامي، واتكلم مع المؤلف عبد الرحيم كمال وزود الشخصية، اللي ساعدنى فيها كتير دكتور بيتر”.

وأضاف مساعد المخرج: “لأني أوقات كتير كنت بتوتر، وببقى خايف، بس هو دايمًا كان بيقولي خليك طبيعي أنا عايز شخصيتك، زي ما هى طيب وبيهزر”.

واستطرد أشرف قائلًا: “وبصراحة كان أحمد جمال المخرج المنفذ مع حاتم متولي المساعد الأول، ووليد سالم اسكربت حركة بيساعدوني لما بيبقى عندي تصوير، وبيعملوا شغلي بما اني مساعد مخرج في المسلسل، فعلشان كده كنت قادر اوفق بين الاتنين”.

وأنهى إبراهيم تصريحاته: “اسمي اتكتب على التتر مساعد مخرج وممثل شاب، ودي حاجة اكيد بستطتني، أني كنت مشارك في مسلسل مهم ومتميز زى الحشاشين، وعن حلقة معركة الليل، كنت مشارك فيها ممثل ومخرج، وكنت في الوقت اللى مش قدام الكاميرا ورا الكاميرا، بساعد في حركة المجاميع، والـ Stunt”.

أبطال مسلسل الحشاشين

ويعتبر مسلسل الحشاشين من بطولة كريم عبد العزيز، فتحي عبد الوهاب، نيقولا معوض، ميرنا نور الدين، أحمد عيد، إسلام جمال، محمد رضوان، سامي الشيخ، عمر الشناوي.

بالإضافة إلى الفنانة نور إيهاب، سوزان نجم الدين، ياسر علي ماهر، بسنت أبو باشا وعدد كبير من الفنانين، وضيوف الشرف، وهو من تأليف عبد الرحيم كمال، وإخراج بيتر ميمي، وإنتاج شركة سينرجي.