كتبت – ريهام محمد
علقت الإعلامية ياسمين عز على التصريح المنتشر لها بشأن قدوم سيدات لبنان إلى مصر، مؤكدة أن هذا التصريح غير حقيقي ومفبرك.
وأضافت الإعلامية في تصريحات ببرنامجها كلام الناس، والمذاع عبر شاشة قناة MBC مصر: “قررت أطلع أنفي التصريح المفبرك ده لأنه بيمس شعب غالي على قلوبنا، وعيب تهزروا هزار سخيف على شعب بيعاني مش وقت تريندات سخيفة خالص على حساب أرواح ناس بتموت، مش وقته تطلع تصريح مفبرك وكلام ملوش لازمة وإحنا كمصريين تميزنا بالأخلاق وبيوتنا مفتوحة لكل الناس”.
وأشادت ياسمين عز: “أكيد وحشتكم، ووحشكم نصايحي اللي من العصر الحجري، ولكن الحقيقة أن كل فترة ينزل صورة ليا عليها كلام عشان يجيب ريتش، والناس تفبرك تصريحات على لساني، والمرة دي كان لازم أرد إحنا كنا إجازة وبنحضر للموسم الجديد”.
ياسمين عز: الزمالك ربنا جبر بخاطره
سبق وأعربت الإعلامية ياسمين عز عن سعادتها الكبيرة بفوز نادي الزمالك على غريمه الأهلي في نهائي السوبر الإفريقي، وذلك في تصريح خلال برنامجها كلام الناس، قائلة: “لا تيأسوا من رحمة الله، حتى الزمالك ربنا جبر بخاطره وفاز”.
وكانت “عز” تساءلت في حلقة سابقة لها في الموسم الماضي: من امتى بنلبس فساتين بيضاء في الأفراح؟، “محدش بيلبس فستان أبيض غير العروسة إلا إذا كنتي بتكرهيها وعايزة تنكدي عليها، واللي بيلبسوا أبيض أخوات العريس ودايمًا لازقين فيه وبيقهروا العروسة، ركزي في نفسك ومتحطيش مرات أخوكي في دماغك من أولها دي بديهيات”.
واستكملت ياسمين عز، قائلة: “واحدة بتقول لمرات أخوها متهزريش معاه قدامي علشان بزعل، ما تزعلي لو فاضية روحي أتجوزي، هتعيشي كتلة الفراغ في حياتك وهتعيشي الأحزان على الأطلال، أو رتبي هدومك في الدولاب”.
