كتبت – نوران عسكورة
وجهت الفنانة مي عز الدين تحيتها لـ 5 أعمال تشاهدها في رمضان 2024، في فيديو نشرته عبر تيك توك.
وقالت مي عز الدين: “طيب مبدأيًا كدة مبروك لمسلسل “الحشاشين”، “أشغال شقة” و”صلة رحم”، كل ما اتفرج على حاجة هقولكم إيه اللي عاجبني كمان، مبروك يا جماعة الشغل زي الفل”.
وأضافت مي في فيديو آخر: “نحب نضيف للمجموعة وبجدارة “نعمة الأفوكادو” و”أعلى نسبة مشاهدة”.
وفي فيديو ثالث، وجهت مي عز الدين رسالة للفنان أمير كرارة قائلة: “باشا مصر، أنت بتشردلي عشان مبكلمكش؟ بتشردلي في البرامج يا أمير؟ وحشتني قوي في ناس لو إنتوا مش على اتصال كل يوم فهما في القلب وانت أولهم”.
وتابعت مي: “أنت أكتر إنسان أنا استمتعت معاه في الكواليس في السنين الأخيرة وأنت عارف أنا بحبك قد إيه عشان أنت راجل بجد وحقيقي على المستوى الإنساني والفني، بحبك يا باشا مصر”.
وجاء تعليق مي عز الدين ردًا على سؤال أمير كرارة لها أثناء ظهوره في برنامج “حبر سري”، حيث قال: “مي عز الدين الغالية بنت الأصول، بحبها جدًا واشتغلنا في سوق الكانتوا والشغل معاها ممتع وهي شخصية مجتهدة وجميلة وملتزمة، بس ليه بتختفي؟”.
واختتم كراره حديثه: “اتفقنا نتقابل على طول بعد المسلسل قالتلي طبعًا دة أنت حبيبي، وفي حد جنبي ضحك وقالي قسمًا بالله من بعد “فركش” مش هتعرف عن مي عز الدين حاجة، وفعلًا اختفت تمامًا بس أنا مش بزعل منها لأن ليها حياتها وخصوصيتها لكن هي بتحب بعد كل شغل أو مسلسل تختفي، بس يوم ما تحتاجها بتلاقيها”.
