كتبت – إيمان عمر
علق نجوم الفن والإعلام، على الهجوم العنيف الذي تشهده غزة الآن من قبل الإحتلال الإسرائيلي، وانقطاع الكهرباء والإنترنت.
شاركت الإعلامية رضوي الشربيني، متابعيها على حسابها الخاص موقع التواصل الإجتماعي “X”، منشورً “قصف عنيف على غزة وقطع كافة الاتصالات وأنباء عن بدء الغزو.. اللهم الطف بهم يا رب وانصرهم وثبتهم.. ونعوذ بالله من هذا العجز ونحن نرى إخواننا ولا نستطيع صرفًا ولا دفعًا ولا وصولًا”.
وكما علق الفنان أحمد السقا، على حسابه الخاص بموقع “X” “اللهم كن لأهل غزة عونًا ونصيرًا وبدل خوفهم أمنًا.. أنقذوا فلسطين”.
وكما نشرت الفنانة إيمان العاصي، منشورًا على حسابها الخاص بموقع تبادل الصور والڤيديوهات “انستجرام” “غزة الآن تحت قصف شديد من انقطاع تام للكهرباء والإنترنت.. لا يوجد أشقاء يا فلسطين.. خذلكم الجميع.. أشعر بالعجز والذل والقهر، ستكتب أسامؤكم جميعًا في التاريخ والتاريخ لا يرحم متخاذلا.. سامحونا نحن كشعوب لا نملك من أنفسنا شيئا”.
وكما وجه الفنان رامي جمال، رسالة للشباب عبر حسابه الخاص بموقع “X”، “كلمة للشباب الصغير اللي أنا حاسس بيه ومتفهم الحماس اللي عنده تجاه اللي بيحصل في غزة ومن متابعتي لكل البوستات والاقتراحات والأراء الكتير أوي دي عايز أقولكم.
إحنا عندنا جيش وطني مخلص فاهم كويس أوي ودارس المخطط اللي نفسهم يحققوه من زمان وعارف إن الاستفزاز المتكرر وجر رجلنا للحرب ده عشان يخلص على اقتصادك ويستغل الظروف الصعبة اللي إحنا فيها دلوقتي، إوعى تفكر أن قيادات جيشك مش فاهمين المخطط، إوعى تفكر إنهم مستنيين البوست بتاعك بتاع افتح الحدود واضرب ورد وادخل حارب دلوقتي”.
وأشار الفنان: “بالعكس هو بيتعامل بحكمة وبعقل عشان اللي فشلوا يحققوه بـ ” سد النهضة ” من تحت و” داعش وليبيا ” من الغرب “وإرهاب وداعش سيناء” من فوق و”تفجير كنايس ومساجد” و”الفتنة الطائفية” قبلهم من الداخل وغيرها وغيرها من المخططات، أنت هتنجحهم إنهم يستنفذوك في حرب هما دلوقتي بيفرضوها عليك ومش بس هما ده أمريكا وحلفاءها، ساعتها هيبقوا بيحاربوا ضدك أنت مش هتحارب إسرائيل لوحدها”.
اختتم قائلًا: “اللي عايز أقوله إن قرار الحرب قرار كبير وإذا مكنش برغبتك وفي التوقيت اللي أنت تحدده مش هما هتبقى الخساير أكبر بكتير.. ثق في جيشك – ثق في قيادتك – خليك في ضهر بلدك وحبها زي ما بتحب الخير لجيرانك وقبل كل ده ثق في ربنا اللي حامي مصر وحامينا من كل اللي فات، معقول مش هيحمينا من كل اللي جاي؟”.
