كتبت – إيمان عمارة
نعي المؤلف ناصر عبدالرحمن المخرج الراحل أحمد البدري، وذلك عبر حسابه على موقع “فيسبوك” حيث قال: “سلام يا بدري، وأنت روحت من بدري، الكل يري حزنك، والكل يتعمد الصمت، شارع الفن ظل وشمس”.
وأضاف ناصر عبد الرحمن: “وأنت يا بدري عشت في ظل الفن، رحم الله ابتسامتك وطيبتك وخدماتك للكثير”.
ورحل عن عالمنا اليوم الجمعة 15 ديسمبر 2023، المخرج أحمد البدري.
وكان صديق المخرج أحمد البدري، قد هاجم أصدقاء المخرج الراحل، وذلك بعد أن رفضوا زيارته، وذلك في منشور له عبر مواقع التواصل الإجتماعي الشهيرة “فيسبوك”.
وقال صديق المخرج أحمد البدري: “إخص، بجد كما تدين تدان ليه الناس بقت قاسية كده ووحشة مع بعضها، صديقي الغالي المخرج أحمد البدري كان كويس مع كل الناس، وياما خرج نجوم وطول عمره صاحب كويس، وصاحب واجب مع الكل”.
وأضاف: “ليه لما يبقي في أصعب أيام حياته، ومحتاج الدعم حتي لو بكلمة مايلاقيش دي زيارة المريض صدقه، إحنا بنتصل بالناس علشان يجوا يزوروه بس، ويعملوله دعم نفسي بعد بتر رجله، وإن الحالة عماله تدهور وكله قال مش فاضي ولا واحد من زمايله وأصدقاءه زاره، معقول ياناس”.
واستكمل قائلاً: “لكن طبعاً لو توفاه الله كله هايروح عامل بوست متشحتف فيه ع الفيسبوك، ويقول صحبي وحبيبي مش كده؟ الراجل رجله اتشلت، وفيروس في الدم، ومشكلة في الرئة، وسكر مرتفع، وتنفس صناعي، ومحدش من زمايله زاره، زورو المرضي عشان لما تمرضوا تلاقوا اللي يسأل عليكم، إدعوا لبعض بالشفاء عشان لما تتعبوا تلاقوا الي يدعلكم”.
وتابع: “والناس اللي بتقعد تسأل عن العنوان، هو في معهد ناصر اللي على الكورنيش، الرعاية المركزة من 4 إلي 5، روحوا زوره واخلصوا النية لله، ربنا يشفيك ويعافيك يابدري، ويشفي ويعافي كل مريض”.
وقدم أحمد البدري بالعديد من الأعمال الفنية الشهيرة، من أبرزها فيلم عمر وسلمى 2، لتامر حسني، ومي عز الدين.
