كتبت – أسماء حليمة
علقت الفنانة مي عمر عن كواليس تعاونها مع زوجها المخرج محمد سامي خلال التصوير في مسلسل “نعمة الأفوكاتو”، التي تم عرضه في الماراثون الرمضاني 2024.
وأجابت مي عمر على سؤال انفعال محمد سامي عليها في التصوير قائلة: “مش موضوع بيزعق هو ممكن ينفعل، وبينفعل عليا قدام الناس عادي ده وارد، أي مخرج ممكن ينفعل وما بيكونش انفعال بطريقة وحشة”.
وواصلت مي عمر حديثها قائلة: “لكن بيكون منفعل علشان عاوز الحاجة أحلى، وأنا مش باخد حقي لأني بفصل وبحاول أتجاهل الموضوع”.
كما تحدثت مي عن غيرتها على محمد سامي موضحة: “مش ببين له إني بغير وبيبان قليل، وبغير من حاجات هبلة، زي لو حسيت إن هو شايف أن حد لذيذ مع إنه مبيكونش قصده حاجة، وهو ميعرفش الموضوع ده، وساعات بقول له أنا اضايقت من كذا”.
وأضافت: “محمد كويس وبيخلي باله، هو محترم جدًا، في الحتة دي وبيراعي مشاعري جدًا، ولو حصل رد فعلي هيكون مش حلو ومش هفوتها ولا أتقلبها، ولو إشاعة بفوت لأني بثق فيه جدًا.
وشارك في مسلسل “نعمة الأفوكاتو” كلًا من: مي عمر، أحمد زاهر، أروى جودة، كمال أبو ريه، عماد زيادة، ياسر علي ماهر، ولاء الشريف، أحمد ماجد، وتأليف محمد سامي، ومهاب طارق وإخراج محمد سامي.
