كتب – أحمد الشيخ
كشفت الفنانة منة فضالي أنها اتخذت قرار الانفصال عن قناعة، موجهة نصيحة للسيدات بألا تتزوجن من شخص بخيل.
وذكرت منة فضالي، في تصريحات تليفزيونية، عن تعرضها للعنف الزوجي، قائلة: “مش هنقول عنف زوجي ولكن مرة زمان مد إيده عليا ودي كانت صدمة انفصالي، وأنا بشوف الراجل اللي بيمد إيده على الست متخلف، ولو الموقف ده اتكرر دلوقتي كان هياخد القلم ده 3 أو 4، أكتر حاجة بكرها أن حد يمد إيده على وشي”.
وأكدت منة فضالي أنها يمكن أن تتزوج شخصًا أقل منها على المستوى المادي، متابعة: “الراجل يعيبه جيبه ولسانه الطويل، ممكن أتجوز حد أقل من مستوايا المادي ولكن لحد معين، أكيد مش هاخده أصرف عليه، مش هصرف على الكلاب والبيت وجوزي دي تبقى كارثة، ولازم يعرف يتعامل مع الأطفال”.
وقدمت منة فضالي نصيحة للسيدات، قائلة: “نصيحتي للستات متتجوزيش راجل أكبر منك، ولا البخيل وعن تجربة، إنتي مش مجبرة تشتغلي أو تأكلي أو تضحكي علشان ترضي حد”.
منة فضالي: نجاح شخصية نرجس بينلي نفسنة الناس
وأكدت منة فضالي أنها لا تلتفت للانتقادات، قائلة: “مش نجاح شخصية نرجس في جعفر العمدة، بس اللي بينلي نفسنة الناس، في ناس في الشغلانة متضايقين إني باخد الفُرص دي، وسمعت ناس بودني بتقول لأ دي لا تصلُح، ولكن أنا مهتمتش ولا برد”.
