أعرب الفنان مصطفى كامل نقيب المهن الموسيقية، عن استيائه الكبير من الأفعال والألفاظ التي يرددها المطرب رضا البحراوي والفنان محمود الليثي، في فيديوهاتهم خال الفترة الأخيرة، منها كلمة “ابعتهاله”، “هنفضل أبطالها لحد ما نبطلها”.
ولفت الفنان مصطفى كامل لإيقاف رضا البحراوي ومحمود الليثي خلال الفترة المقبلة، في حالة استمرارهما بتقديم مثل هذه الجمل، والألفاظ غير اللائقة، التي ترفضها النقابة ويرفضها الذوق العام.
وكشف النقيب في تصريحات تلفزيونية له: فيه ألفاظ متدينة بيقولوها المطربين، وبيقفوا على المسرح زي الجزارين، يقولوا إحنا أبطالها لحد ما نبطلها، وابعتها له.
وأضاف مصطفى كامل: “الأمثلة دي حاصلة من الناس، منهم رضا البحراوي ومحمود الليثي، من الأيام الجاية هيكون فيه انضباط الفن المصري، بدأ من نقابة المهن الموسيقية كله جاي”.
وأكد: “الناس دي هتقف عند حدها، ومليش دعوة بجمهورهم ومعايير الشهرة”.
وتحدث أيضا عن أزمة “بيكا”، “كمال”، بعد إيقافهما لمدة أسبوع، وتغريمهما 50 ألف جنيه: “أنا بحب عمر كمال وحمو بيكا لكن اللي حصل ده تهريج، ولا رجعة في أي قرار خدته، وحمو بيكا حلف لي وبقاله 4 أيام بيكلمني ويبكي في التليفون، بس مفيش راجعة في القرار”.
وتابع كامل: “كلمت حمو بيكا قلت له، أنتوا خلاص محدش بقا بيعرف يستفزكم، بقيتوا بتتعاملوا معاملة محمد فؤاد، أو مصطفى كامل، ليه عملتوا كدة؟ هما مش هاممم الغرامة، لكن عايزين يشتغلوا، وأنا أقسمت هيكون مصيرهم زي كزبرة بتاع علي الطلاق”.
وشدد: “كانوا بيعملوا فيديوهات بدون ملابس، ويدوا بعض بالأقلام، أنا منعتهم، في زمني مش هيحصل الكلام ده تاني، مش عاملها للمسرح الغنائي بس، أنا بهذب السلوك، السلوك ده مش هيمشي معايا”.
واختتم: “أنا نبهت عليهم كمان ياخدوا بالهم من هذه السلوك خارج البلد، لأن برة أنت فنان مصري، أي خطأ برة العقاب هيكون ضعف عقابك هنا”.
