كتبت – نرمين أحمد
تحدث الفنان مصطفى قمر عن فيلم أولاد حريم كريم، والجزء الأول من فيلم حريم كريم، الذي عرض في عام 2005، كما كشف سبب غياب الفنانة ياسمين عبد العزيز عن الجزء الثاني.
وقال مصطفى قمر: “الناس عندها فضول وعايزة تشوف فيلم أولاد حريم كريم، عايزين يعرفوا إيه اللي حصل والناس دي والأبطال عملوا إيه، ويا ترى الجزء ده أحلى ولا الجزء الأول، بس اللي حصل في العرض الخاص للفيلم في القاهرة أثبت حاجات كتيرة أوي”.
وكشف مصطفى قمر السبب وراء غياب الفنانة ياسمين عبد العزيز عن الجزء الثاني من فيلم حريم كريم، الذي ظهرت بالجزء الأول منه.
وأوضح الفنان: “ياسمين عبد العزيز مش موجودة في الفيلم؛ لأن المؤلفة زينب عزيز كاتبة الجزء التاني درامياً بشكل معين، هي كاتباه إنه يكون أرمل، عشان عايزة تخلق قصص حب جديدة عنده، وعايزين نشوف كريم بأحاسيس مختلفة، ولما كبر بقى بيشوف المرأة بشكل مختلف”.
جدير بالذكر انه يشارك في بطولة فيلم أولاد حريم كريم عدد من الفنانين، إلى جانب مصطفى قمر، وهم: داليا البحيري، بشرى، علا غانم، بسمة، تيام قمر، رنا رئيس، هنا داود، يوسف عمر، عمرو عبد الجليل، وغيرهم، والعمل من تأليف زينب عزيز، وإخراج علي إدريس.
