مرحب رمضان شعر : رضا أبو الغيطــ

رمضان…… يا معلم ف قلوبنا

كلنا ……..فاتحين لك أبوابنا

ومنانا …. نقابلك….ونصومك

ونكفر بيك…………. كل ذنوبنا

جبنا الفوانيس احمر وأخضر

وقصدنا نزور… صحن الأزهر

والخير بقدومك …راح يكتر

ويقضى …ولادنا…. وأحبابنا

هنشوف من تانى…. الطبليه

وشواشى الخير….. والحنيه

ونقول… للفول … والطعميه

اللحمه خلاص.. هتزور بيتنا

هنشوف الساجد…. والراكع

بيصلوا فروضهم ف الجامع

والجبهه.. عليها النور ساطع

بيطل…. علينا…….. ويسعدنا

رمضان يا كريم ..هل هلالك

والزينه أهى… ف استقبالك

وان كان ع الأهل.. وخلانك

فاتحين لك…. بالحب قلوبنا

ـ