كتبت – أسماء حليمة
علق الفنان محسن منصور عن تفاصيل مشاركته في مسلسل “سر إلهي”، بالتعاون مع الفنانة روجينا، والذي تم عرضه في الماراثون الرمضاني 2024.
وقال محسن منصور في تصريحات صحفية: “اللي بيهمني الورق وأني أعمل حاجة مهمة وتفيد الناس، والأمور المادية بحطها في المرتبة السادسة، والأهم أني أكون مختلف، وكمان ورق أمين جمال اجتماعي وبسيط ومهم أنك كممثل تنقل للمجتع الواقع، وكل حد بيتفرج يلاقي نفسه في المجتمع”.
وأضاف: “روجينا دي أختي وأنا مبسوط أننا بنشارك مع بعض في مسلسل سر إلهي، وإحنا كلنا أصحاب وعائلة وإحنا بنصور في رمضان وحالة الحب بتظهر على الشاشة حتى لو أدوارنا تنافسية، وروجينا من الناس اللي بتطمن أن الناس فطرت في رمضان وعلى طول بتجيب رز بلبن وحلويات، وهي أمنا”.
وتحدث منصور عن رأيه في الأعمال ذات الـ 15 حلقة، قائلًا: “إيقاع الحياة بقى مختلف وسريع، وبقى مناسب أن المسلسل إيقاعه يبقى سريع، وبيدي مساحة أن عدد كبير من الممثلين بيشتغلوا مع عدد كبير من المخرجين، ودي حاجة كويسة جدًا”.
وضم العمل عدد من النجوم أبرزهم: الفنانة روجينا، أحمد مجدي، رنا رئيس، مي سليم، محمد ثروت، نهى عابدين، محمود الحديني، صلاح عبد الله، وأحمد بدير، وميمي جمال، وأحمد سلامة، ومحسن منصور، ومي سليم، ورشا مهدي، ومراد مكرم، ومحمود حجازي، ومريم أشرف زكي، يوسف الأسدي.