كتبت – أسماء حليمة
كشف المخرج ماندو العدل حقيقة رفض الفنانة إلهام شاهين المشاركة في فيلم ع الزيرو، بطولة محمد رمضان ونيللي كريم.
وتحدث ماندو العدل خلال لقائه على الراديو 9090 قائلاً: “أنباء رفض إلهام شاهين المشاركة في فيلم ع الزيرو كلها شائعات ومش حقيقية وأنا مش بهتم أرد على الشائعات دي لأني بشتغل وبس ومليش علاقة بأي حاجة تانية والمهم إني أثبت نفسي وأتطور، ومش فاضي أرد على كل واحد يقول حاجة وفي النهاية ربنا يوفق الجميع”.
وكشف ماندو العدل سر اختيار نيللي كريم لـ ع الزيرو قائلاً: “نيللي ممثلة كبيرة، وأي حد يتمنى يشتغل معها، وعندها جمهور كبير، والجمع بين محمد رمضان ونيللي كريم كانت فكرتي؛ لأني دايما بشتغل معاها وشوفت أنها هتضيف لنا، وهي رحبت جدًا”.
وتابع: “نيللي كريم ومحمد رمضان علاقتهم كويسة جدًا في التصوير على المستوى الشخصي، ونيللي فرقت فنيا مع الفيلم ودورها حلو والجمهور مبسوط أنها موجودة، وهي مكسب لنا”.
