شعر / عبير منصور
يا بت لمى الشال
طرفه جرح خدى
يا ام العيون غزلان
بتعدى ما تهدى
………………..
تتعايقى بالخلخال
يا ام الخدود وردى
دا القلب ليكى مال
والعشق ما بيدى
هعدى ليكى جبال
لو تقبلى ودى
………………..
يا بت حنى امال
مابقاش هنا عزال
لو عايزة اغنيلك
واسمعك موال
………….
يا اللى جمال خطوتك
يتهز ليها قلوب
اموت انا بنظرتك
والقلب فيها يدوب
هعلن انا محبتك
ولا عمرى عنها اتوب
………………….
لايق عليكى الشال
لايق عليكى التوب
يا رنت الخلخال
دوبتى قلبى وتاب
دا انا هعلن العصيان
على بنات حواء
الا عينيكى السود
ــ
