شعر : رحمة مجدي الصفتي
قلبي اللي كان ديما
تملي يحن لك
شاف الأمان لمَّا
لاقاكي ياملاك
لما رجعتي لحضننا
وبكل حب يغنى لك
أنا عمري كله وهبت لك
قلبي اللي شافك
برضو كنتي الملهمه
في سنين عجافك
والليالي المظلمه
كان السند
لما عازوكي مضلمه
كان المدد اللي
بيحلف ينصرك
قلبي اللي عاش
عاشق تفاصيل خطوتك
ولولاه ماجاش
نورك ونوَّر وجنتك
رجَّع نهارك
لجل ماتطيب جنتك
طاف في مدارك
كانت آماله بسمتك
ولسَّه قلبي
في كل لحظة بيعشقك
حالف بإنه
مابين ضلوعي يعشقك
حالف يدمر
كل شئ بيهددك
وبإيد يعمر
يبني علشان عزتك
يامصر والله
مايوم هترجع محنتك
طول ماقلوبنا
لسه شايله محبتك
ـــ
