كلنا ويَّاك ومعاك :شعر / نبيل مصيلحي

نعم نعم ويَاك ويَّاك

نعم نعم حواليك ووراك

نعم نعم يا معلِّي رايتنا

مصر أميرة الدنيا معاك

نعم نعم ويَّاك ويَّاك

ــ

ولا فيه حد يفرَق بنَّـا

وتتوَّه في الموج مركبنا

خوض بينا ولا حد يهمك

رب الكون مولانا معاك

نعم نعم ويَّاك ويَّاك

ــ

طول عمر الأمجاد عنوانا

ما تغيب أبداً عن دوَّارنا

مهما تروح تبعد .. بتجينا

عاشقانا وتعرف مقدارنا

نعم نعم ويَّا ويَّاك

ــ

دوَّرت بإصرار مصانعنا

نوَّرت غيطانا ومزارعنا

وبنيت في الصحرا المستقبل

جاهزه بشوق تحضن مطارحنا

نعم نعم ويَّاك ويَّاك

ــ

قبلي وبحري العين والنني

وايدين دايما تزرع تبني

ما يفرق بينها العُزَّال

دمها واحد منك منِّي

نعم نعم ويّاك ويّاك

ــ

العالم يعرف مين إحنا

مصريين المجد طَرَحنا

عزه كرامه ولا بنهون

نفدي وطنَّا دمانا وروحنا

نعم نعم ويّاك ويَّاك 

ــ

الجيش من قلبنا وحَشَانا

طول عمره في الصعب معانا

وبروحه ودمه بيحمينا

يحفظ لنا حقنا وشقانا

نعم نعم ويّأك ويَّاك

ــ

مصر أمانه ياسيسى معاك

حـِبها  رب الكون يرعاك 

وانت بجد حافظها ف قلبك

وعشان كدا بالروح ويَّاك

نعم نعم ويّأك ويَّاك