كتبت – أسماء حليمة
تحدثت المطربة فاطمة عيد في تصريحات لها عن الأسباب التي تدفع الرجل للنكد داخل المنزل، موضحة أن سبب ذلك هي المرأة.
حيث قالت فاطمة عيد: “الست هي اللي بتدفع الراجل للنكد والراجل مش هيبادر بالنكد من غير سبب، لازم الزوجة نرفزته ووصلته لكده وهو استحالة يزعق لها من الباب للطاق إلا إذا كانت هي بتستفزه”.
وتابعت: “فيه ستات نكدية وأنا بقول شهادة هتحاسب عليها، زوجك هو كل ما تملكيه في الدنيا، لزومه إيه لما نزعل ننشر غسيلنا الوحش”.
كما وجّهت فاطمة عيد نصيحة للزوجة قائلة: “ما ينفعش تشكي لصاحباتها أو والدتها تبقى هبلة وعبيطة إنها تطلع أسرارها بره، إنتي وزوجك تالتكم ربنا، اشتكي لربنا ولو زعلتيه أو هو زعلك نصالح بعض بالعقل وكل واحد يعرف غلطه، وما نكررش الغلط تاني، لكن لما أشتكي لوالدي ووالدتي وصاحبتي يبقى أنا بكره ومش ممكن أعمل فيه كده ويحبني”.
