كتبت – رحمه السعداوي
تحدث مطرب المهرجانات عمر كمال، عن الفنان محمد فؤاد على تخليه عنه عندما طلب المساعدة منه ليدخل مجال الغناء، قال “أنا واحد غايته في الحياة إنه يقابل محمد فؤاد”.
وتابع عمر كمال: “عايزه يديني أي كتف إن شاء الله أشتغل عنده في البوفيه، هتعلم منه أي حاجة، كنت بروح كل يوم عند بيته ومبيجيش، وبعدين لما جه رمضان، لقيت واحد طالع يمسح العربية”.
محمد فؤاد
وأكمل عمر: “عرفت إن محمد فؤاد جاي، فرحتله وقلتله أنا بعشقك وبحب فنك وبشتري الشريط الأصلي مش المضروب، وبقعد في أول صف في حفلاتك في دريم بارك”.
وأضاف: “قالي ربنا يخليك يا عمورة تسلم يا حبيبي، قلتله صوتي حلو ونفسي تسمعني، قالي سمعني، فغنيتله أغنية قلبي خبي لـ عبدالحليم حافظ، قاللي جدع، صوتك حلو وييجي منه، يلا ربنا يوفقك”.
واستكمل كمال: “ونادى على ولد يطلعله العربية، قلتله يا أستاذ أنا جايلك عشان تديني كتف، قاللي يا عمر روح قدم في برامج أصوات كتير دلوقتي، لكن أنا مش بقدم حد، هو برضه كان عنده حق، دلوقتي بيحصلي نفس الموقف وبقول نفس الرد”.