كتبت- روعه السيد
تحدث الفنان القدير عثمان محمد علي، عن النجم محمد رمضان ووصفه بأنه ظاهرة قدرية.
قال عثمان محمد علي، خلال لقائه مع الإعلامي عمرو خليل في برنامجه،: “محمد رمضان ظاهرة قدرية الراجل دة لا اخد فلوس حد ولا جري ورا حد ولا قال لحد شغلني، الدنيا جت لعنده وقالتله شبيك لبيك والناس كلها بتجري وراه والمنتجين والممثلين”.
وأضاف الفنان: “في حاجة هقولها بس ميفسرهاش غلط، هقوله اللي أنت فيه دة ابتلاء من الله، وهيشوفك هتشكر ولا هتكفر والشكر هنا أنه يبطل ادوار تقدم قدوة سيئة ويبدأ يقدم أدوار تانية تحسن صورتك، وتبقى قدوة حسنة للناس”.
وتابع عثمان: “الأدوار اللي قدمها قبل كدة مش غلطته المنتجين اصروا يحطوه في هذا القالب واحنا على ايامنا الأبطال كانوا قدوة في شكلهم وملابسهم وكلامهم، لكن دلوقتي المنتجين شافوا أن الأخلاق اتغيرت فقرروا يمشوا مع الموجة”.
