كتبت – إيمان عمر
شاركت الفنانة شيماء سيف، متابعيها عبر حسابها الخاص بموقع تبادل الصور والفيديوهات “انستجرام” منشور يعبر عن استيائها من الإنفتاح والعري الذي ظهر علي البحر هذا العام.
وقالت شيماء: “خلاص الصيف بيخلص بس آثاره مكملة، طول عمرنا بنطلع علي البحر ونشوف أشكال وألوان ومايوهات، لكن السنة دي العري فاق الوصف”.
وأضافت قائلة: “المايو بقى يتلبس في كل مكان مش على البحر بس.. توب المايوه “اللي في نظري جزء من الملابس الداخلية وده أكثر وصف مؤدب أقدر أقوله” بقى اللبس الرسمي للبنات وفوقه كاش مايوه بيبين أكثر ما بيستر”.
وأشارت قائلة: “هي البنات دي مالهاش أب أو زوج أو أخ قلبهم ياكلهم عليهم والدم يجري في عروقهم؟، فين نخوة الرجالة؟.. فين حياء البنات؟.. والمصيبة إن كل الأعمار وكل الأحجام مش بتفرق، الموضوع زاد قوى تحت مظلة إنه بلاش body shaming وكلام فاضي”.
واستكملت شيماء سيف: “فين الحياء؟، الجسم ده المفروض نحافظ عليه مش نمتع غيرنا بيه، الغلط غلط ولو كل الناس عملوه، الغلط غلط ولو أصبح عادة الكل، هفضل أقول ده غلط حتى لو كنت لوحدي اللي بقوله، العري مظهر من مظاهر التخلف الفكري واللي فاكر إنه تحضر ماشي وراء القطيع بدون وعي”.
