كتبت – أسماء حليمة
تحدثت الفنانة سلوى خطاب، عن فكرة الإنجاب، مؤكدة أنها إرادة الله، وليس بسبب الفن.
كما قالت أن تربية الأبناء أمرا صعباً على الإطلاق وتتمنى فقط الستر والصحة في الحياة.
وأوضحت سلوى خطاب في تصريح لها: “الفن محرمنيش من إني أكون أم، ولو كنت عايزة أخلف كنت خلفت، وفكرة تكوين الأسرة ربنا خلقنا علشانها ولكن تربية الأولاد عملية صعبة أوي وبشوف أهلي وصحباتي تعبانين وأنا مكنتش هقدر أتحمل العذاب ده”.
وأضافت: “ممكن الواحد يخلف أولاد غير صالحين، مفيش حاجة مضمونة لو مش موجود خلاص، لكن لو موجود أولاد غير صالحين هيبقى عذاب أكبر والواحد مؤمن بحكمة ربنا”.
واختتمت سلوى خطاب حديثها قائلة: “ولو اتجوزت هكون مصممة على موقفي من جانب الإنجاب، لأن موضوع السن كمان وأنا شايفة إن فيه سن مناسب للإنجاب من 25 إلى 30 سنة، أكتر من كده هيلحق يربي إمتى، مش طالبة من الدنيا دلوقتيّ غير الستر والصحة”.
وفي سياق آخر، شاركت الفنانة سلوى خطاب في العديد من الأعمال الفنية مؤخراً، منها مسلسل جت سليمة ورمضان كريم الجزء الثاني، والتي حققت نجاحاً جماهيرياً كبيراً.
