شعر / إيهاب عزت
زي الشمس و زي التاج
لف العالم مش هشتاج
برة الجسم تقول دا جماد
جوة الجسم يكون في هياج
جه من خفاش أو تعبان
يدخل في جسم الإنسان
دي الفزورة . . أيوة عرفته
لأه . . يله نكمل سيرته
يدخل في الحلق و يتمكن
صاحبه يكح و صوته يخنشر
يتعب عند البلع و يسخن
بعدها يسكن في الرئتين
يبقى الإنسان ويله ويلين
بيضيق نفسه و يكره نفسه
كليته تتدمر و بيسهل
ويودعنا فنبكي عليه
كده تبقى انت عرفته أكيد
أيوة كورونا يا واد يا سعيد
يخرب عقلك ياد يا وليد
طيب نعمل ايه يا سعيد
إوعى الزحمة ابعد عنها
اغسل إيدك . . طهر بيتك
يعني اتوضا و صلي فروضك
قوي ف جسمك زادك قوتك
ادعي المولى يدفع عنا
يحفظ أهالينا و وطننا