كتبت – مرام اللبان
كشف المخرج محمد سامي حقيقة الشائعات التي انتشرت في الفترة الأخيرة، بشأن وجود خلافات مع الفنان محمد رمضان، وإلغاء الجزء الثاني من مسلسل “جعفر العمدة”، بعدما حقق الجزء الأول نجاحًا كبيرًا في رمضان 2023.
وحسب التقارير الصحفية، قال محمد سامي : “معنديش خلافات أنا ومحمد رمضان، كل اللي بيتقال ده كذب طبعًا، أنا ومحمد رمضان إزاي هيبقى عندنا خلاف؟”.
وتابع “سامي” ده إحنا نجاحنا مع بعض، الحمد لله رب العالمين من أكتر نجاحاته ونجاحاتي، بالعكس علاقتي أنا ومحمد رمضان كويسة جدًا”.
أما عن جدل إلغاء الجزء الثاني من مسلسل جعفر العمدة، فعلق محمد: “جعفر العمدة 2 علشان يتعمل مشروع لازم يُدرس كويس جدًا، مينفعش نغامر بنجاح جعفر العمدة1، وأدخل أعمل جعفر العمدة 2 بلا دراسة”.
أضاف محمد سامي: “جعفر العمدة من أهم المسلسلات اللي اتعملت وده مش برأيي أنا ولكن كلكم عارفين إنه من أهم المسلسلات في الفترة الأخيرة، ونجح نجاح كبير في الوطن العربي كله، المسلسل ده لازم يتعمل بحساسية رهيبة”.
