كتبت – أسماء حليمة
كشف الدكتور جمال فرويز أستاذ الطب النفسي عن تفاصيل الحالة الصحية للفنانة حورية فرغلي، وذلك بعدما قالت أنها رأت العفاريت والجن في منزلها، موضحًا أن هذا يحدث عند تعاطي المخدرات.
وأوضح جمال فرويز في برنامج العرافة الذي تقدمه الإعلامية بسمة وهبة: “في عندنا اضطراب في المخ بيظهر الاضطراب النفسي، وفي بعض الناس لما بيعلى عندهم، بيسمع صوت محدش بيسمعه غيره وبيحس بحاجات بتلمس جسمه”.
وأضاف جمال فرويز: “دايما اللي بيشوف الحاجات دي مش بيكون عنده انفصام في الشخصية أو اضطراب ممكن ده نتيجة تعاطي المخدرات”.
وكشفت حورية فرغلي خلال الحلقة عن معاناتها مع الجن، قائلة: “اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب”.
وواصلت فرغلي: “اشتريت الشقة 2013، في مرة كنت قاعدة في الشقة لقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة”.
وأتمت حورية فرغلي حديثها قائلة: “ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي”.
