كتبت – بسمة غربية
تحدث الفنان تامر هجرس عن صعوبة مهنة الفن، موضحًا أنه لا يفضل تصوير الأعمال الفنية خلال شهر رمضان نظرًا لحرمانية الشهر وتفرغه للعبادة.
وقال تامر هجرس في تصريحات صحفية: “مبحبش التصوير في شهر رمضان لأنه شهر عبادة وعندي طقوس معينة بحب أعملها”.
وأردف الفنان: “الفن مهنة صعبة جدًا للأننا بنتشتغل ساعات غريبة جدًا وشاقة جدًا وممكن نصور في مشهد 30 ثانية في يومين، فالموضوع متعب جدًا ولكن النتيجة بتبقى حلوة ورد فعل الجمهور بيرفع معنويات الممثل، وأن جمهوري بيبقى سعيد ده بيخلني أكمل”.
وأكمل هجرس بخصوص طقوسه في رمضان: “بعمل رياضة معينة مش متعبة، ولو عندي شغل بخلصه وبعدين بفطر مع العيلة، بنزل ألعب رياضة بعد الفطار، وبقرأ جزء قرآن، ومش بتفرج على التلفزيون في رمضان، لكن بشجع كل زمايلي على أعمالهم”.
واختتم تامر حديثه قائلًا: “لو في عمل شدني وده بيكون نادر جدًا ممكن اتابعه بعد رمضان عشان في رمضان بيكون دائمًا وقت مقدس لربي وعبادتي وبحس أني بتغير وبتطور من نفسي صحيًا وأخلاقيًا وأدبيًا وجسمانيًا وذهنيًا”.
