كتب – أحمد محمود
وجه الفنان تامر حسني، رسالة مؤثرة، لمتابعيه وجمهوره، مطالبًا منهم عدم اليأس بحجة النحس والحظ السيء.
ونشر تامر حسني، منشورًا عبر صفحته الرسمية على موقع التواصل الاجتماعي “إنستجرام”، قال فيه: “فجر الرزق والستر والشفاء والعافية للجميع، خطر في بالي شيء مهم يمكن الكل يعرفه بس أحيانًا نحب نقوي بعض بيه فأنا هكتبه لكل شخص مش لاقي سبب للي هو فيه أو حد تعبان، مفيش دكتور عارف يريحه أو حد بيطلب حاجة من ربنا ومبتحصلش.
وأضاف “حسني”: “لو دايمًا بتدور على أسباب منطقية ومش لاقي، أوعى تفهم غلط وتحس أن الأبواب مقفولة في وشك من باب النحس أو حظك وحش، لا أفهم أن كل قدر كتبه لك ربنا له حكمة قد لا تفهمها أو تستوعبها حالا بس هتعرف قدام هي حصلت ليه”.
واختتم الفنان: “المهم اللي عايز أقوله هلخصه في جملة “إذا عجزت الأسباب فأذهب للمُسبب، اذهب لرب الأسباب اتكلم معاه جايز عايز يسمع صوتك”.
وجدير بالذكر أن آخر أعمال الفنان تامر حسني، هو فيلم “تاج”، الذي تم عرضه ضمن موسم أفلام عيد الأضحى، محققًا إيرادات مميزة خلال فترة عرضه.
