كتبت – إيمان مجدي
علق الفنان تامر حسني على تصريحات ترك آل الشيخ بتحقيق فيلم بحبك عام 2022 مليار جنيه في المملكة العربية السعودية، وكتب تامر حسني على صفحته الرسمية: خالص الشكر لمعالي المستشار تركي آل الشيخ، نصرتني يابو ناصر.
وأضاف: “بعيداً طبعاً عن أن الرقم ده بيروح لموزعين الخارج عشان محدش يفتكر إن المنتج أو الأبطال بياخدوا الرقم ده، لأ ده رقم بيتوزع على موزعين الخارج في العالم كله و الفنان له أجر ثابت”.
وتابع: “المهم، الكثير كان بيشكك، في ايراداتي وكتير انتقدوا الفيلم قبل ما ينزل لمجرد أنه تأليفي وإخراجي وموسيقتي التصويريه، كنت مأجل بوست احتفالي معاكوا بنجاح فيلم بحبك اللي عدا عليه سنتين حتي تعلن الجهة المختصه عن رقمه القياسي، تيجي بقى من أبو ناصر نفسه أمام العالم كله، ليثبت أن كان كلامي صح وإني مش بقول غير الحق ولا مضطر أقول غير الحق”.
وأضاف تامر حسني: “وطبعاً ده غير ايرادات الفيلم في مصر و باقي دول العالم، كل الشكر للجمهور الطيب الغالي في مصر و السعودية و الوطن العربي كله و العالم شكراً لكل ابطال العمل و صُناعُه و منتجينه اللي صدقوني و دايماً في ضهري”.
واختتم تامر حسني حديثه قائلا: “شكراً معالي المستشار تركي آل الشيخ، نورت مصر بلدك الثانية، بجد انا دلوقتي اقدر أحتفل معاكم بنجاح أول فيلم من إخراجي، الحمد لله”.
