كتبت – إيمان عمر
خرج الفنان تامر حسن، عن صمته بعد أن تعرض لحملة انتقاد كبيرة من قبل رواد مواقع التواصل الإجتماعي؛ بسبب تقديم دعاية إعلانية للعلامة الشهيرة “شيبسي”، التي تدعم الكيان الصهيوني.
وشارك الفنان تامر حسني، متابعيه عبر موقع “X”، منشورًا وأرفقه بعقده مع شركة شيبسي، لكي يوضح السبب الذي دفعه للتقديم هذا الإعلان.
قال تامر حسني: “مساء الخير عليكم، بقالي يومين بتابع اللي بيحصل و احتراماً للجميع، أنا بوضح حاجه بخصوص إعلان شيبسي الاخير، اولاً، أنا على قوة الشركه من سنتين قبل اي احداث و ده مش اول اعلان ده ثالث اعلان في عقدي ، معلش احياناً الكلام عند بعض الناس بيبقى سهل و تحديداً لما بيكون بدون علم بالعقود و بحيثيات الموضوع كله”.
وأضاف الفنان: “ثانياً أنا مضيت على عقد مكتوب فيه أن شيبسي شركه مصريه و لها سجل تجاري ضريبي مصري منفصل و البند قدامكم اهوه لصدق كلامي، الأهم لأي حد بيشكك في إنتمائي للقضيه الفلسطينيه هقوله أنا من ٢٠ سنه و أنا في ضهر القضيه و مش كلام و أغاني بس لا، أنا روحت بنفسي معبر رفح أثناء الضرب لمساندة اهالينا هناك بأكبر حملة معتقدش في حد هيخاطر بحياته و يروح بنفسه معبر رفح أثناء الضرب مجامله مثلًا”.
وأكمل الفنان: “اخيراً أنا لما قررت أكون الوجه الإعلاني لشيبسى من سنتين لأنه منتج مصري كل المصريين بيحبوه و البطاطس من الفلاحه المصريه و بيتباع في مصر بس و اتربينا عليه و الأهم أن الشخص البسيط يقدر يشتريه في ظل ظروفنا الاقتصاديه و أظن ده واضح في الاعلان”.
وأردف تامر: “ده كان شعوري الشخصي اتجاه الحمله وأنا بمضيها من سنتين عشان كده كان واجب عليا التوضيح للجميع و للّي مش وأصلاله الصوره بكل احترام، و شكراً لكل اللي ردوا عني و هما مغمضين حقيقي أنتوا نعمه كبيره من ربنا ألف شكر و رمضان كريم على الجميع”.
