كتبت – نرمين صقر
بكت الفنانة ريهام عبد الغفور خلال حديثها عن والدها الراحل الفنان أشرف عبد الغفور، وذلك في أول لقاء لها بعد وفاته، والذي توفى في شهر ديسمبر عام 2023.
وتحدثت ريهام عبد الغفور في برنامج “بالمايك والقلم” وهي تبكي: “اتكسرت بكل معنى الكلمة، وفقدت أكتر إنسان بيحبني في الدنيا، وأكتر إنسان كان أمان، وفقدت أعز إنسان وصديقي المقرب، فكانت خسارة كبيرة”.
وعلى جانب أخر قالت ريهام عبد الغفور أنها كانت لا تحب اسمها، موضحة: “الاسم كان معقدني طول عمري، مكانش نفسي اطلع اسمي ريهام كان نفسي يكون اسمي سارة”.
وأضافت: “دخلت كلية تجارة واتخرجت بتقدير مقبول، وفي التعليم ما تلاقنيش أوي، وأنا في الجامعة مكانش ليا علاقة بالتمثيل ولا جربت أكون في مسرح الجامعة وأقعد مع زملائي ونمثل، وأتمنى لو عاد بيا الزمن كنت أعمل كده”.
وأشارت ريهام عبد الغفور إلى فترة الكلية، قائلة: “دخلت الكلية لأنها كانت هي الكلية المناسبة لمجموعي في الوقت ده، وأنا لا كنت بحبها ولا عاوزاها، لكني مش بعمل كده مع ولادي وأدخلهم الكلية على حسب مجموعهم، لكن بالعكس كل واحد يشوف هيتبسط وهو بيدرس إيه ويقدر يدي طاقة وحب ووقت في إيه، أنا ضيعت أربع سنين بعمل حاجة مش بحبها، ولا استفدت منها أي حاجة لأني ما استخدمتهاش خالص ولا انبسطت وأنا بعملها”.
