كتبت – فاطمة ثروت
علقت الفنانة بشرى على تصريحات طارق الشناوي، بشأن انتقاده لفيلم “أولاد حريم كريم”، ووصفه لنجماته بأنهن فقدن وهجهن، ووصف العمل بالفشل.
وقالت بشرى: مفيش راجل في مجتمعنا، وأخلاقنا وإحنا أخلاق مصريين وعرب، يتكلم على سن واحدة ست، وما ينفعش ولا يجوز ومش أخلاقنا دي”.
وأردفت: “فنانات الفيلم عندهم جرأة؛ لأنهم بيعملوا أمهات لـ شباب أصغر من ولادهم الحقيقين، وهل الست بعد ما تتم التلاتين وأوائل الأربعين، نقعدها في بيتها”.
وأكملت: “ولا نضرب الست بالنار زي الكلاب البوليسي المريضة، أومال مين هيعمل أدوار الأمد وأدوار المدرسة، وأساتذة الجامعة”.
وأضافت بشرى: “عمري ما عاتبت طارق الشناوي، وإحنا في لجان كتير جوه وبره مصر، وبقدره وبنتناقش في حاجات كتير، والفيلم ده مش ذوقه، لأنه اجتماعي كوميدي لايت”.
وأتمت: “وطارق بيهتم أكتر بأفلام المهرجانات التقيلة، والمهمة والأفلام الأجنبية، ومش متوقعة أنه اتفرج على الفيلم، وهو له احترامه، وناقد كبير وزميل حقه ينقد، ولكن كان المفروض يراعي باقي فريق العمل في النقد شوية”.
