( العدالة ) .. لشعر .. محمد زكريا حبيشي

العدالة في بلادي

شئ خرافي شئ جُذافي

و اللي محتاجها بـ كتره

شخص حافي شخص فافي

شخص فاقد للهويه

شخص مش حامل قضيه

شخص سئ طبعه جافي

شئ مالوش ف الدنيا معني

مثل زيت ع السطح طافي

العدالة شئ و محتاج للعدالة

و ان تطبيقها جريمة

و التخاذل ركن عاجي

جوه فيها شي لاهيها

شيء فـ طول الوقت

متفصل عليها

يعني لو مره تنافق

أو ترافق أو تكافئ

كل واحد ليها رافض

تبقي كل الدنيا

هَـ تقدّر وجودك

أو صعودك أو هبوطك

تبقي أسطورة زمانك

أو عيوبك هـ تداريها

العدالة شيء و مش محتاج عدالة

شئ أكيد بـ الفطرة مخلوق

بين ضلوعنا شئ جامعنا

فيه ميزان العدل يبقى

الأساس للمُلك دايماً

مهما ضِعنا

شئ و ماشي بينا دايماً

حتي لو فـ الدنيا جوعنا

قد عدلتَ فأمنتَ

ثم نمتَ يا عُمر

قد يطولُ الظلمُ يوماً

قد يزيدُ و ينتشر

بينما تبقى حقيقة

أن عدلَ الله باقٍ

رغمَ أحقاد البشر