السيسي خلال تهنئته للأقباط بعيد الميلاد المجيد: مخزون المحبة بين كل المصريين يزيد يوما بعد يوم

كتبت – نرمين الجمل 

وجه الرئيس عبدالفتاح السيسي، رئيس الجمهورية، التهنئة للأقباط، وذلك بمناسبة عيد الميلاد المجيد، قائلا: “كل عام ومصر بخير وسلام”.

وقال الرئيس السيسى، “كل عام وأنتم طيبين، وقداسة البابا بخير وسلام، واحنا كلنا إن شاء الله بخير وسلام، احنا كمان بنحبكم وانتو اخواتنا وحبايبنا.. ونأخذ بكل الأسباب لحماية بلادنا”.

وأضاف رئيس الجمهورية، إن شاء الله عام سعيد، وسنة إن شاء الله تبقى بفضل الله سبحانه وتعالى أفضل من السنوات الماضية، بتابع كل الأمور وبشوف كل ردود الأفعال، والقلق يمكن يكون مبرر، لازم تعرفوا، ومش بكلمكم انتو بس، بكلم الدنيا في مصر وبرا مصر من خلالكم، إن شاء الله السنة دي تبقى أفضل من السنوات اللي فاتت. 

وتابع الرئيس، بقول القلق مبرر ومشروع يمكن، طب ما السنين اللي فاتت كان فيها قلق، وإن شاء الله تعدي الأمور بسلام، احنا هنا في مصر في حاجات كتير اوي بنعملها محدش من الناس تاخد بالها كتير منها، أول حاجة فيها، إن احنا مش ناسيين إن في رب، وإن الرب ربنا سبحانه وتعالى”.

كما أوضح، أنه يمكن حد ينسى مع الظروف يتهيأله إن الأمور مش ممسوكة كده، مش بينا احنا، البشر، لا الدنيا مش متسابة كده، احنا مؤمنين بالله كلنا صحيح لكن مش عاوزين ننسى، لازم كلنا نبقى متأكدين من النقط دي، لازم كلنا نعرف إن ربنا موجود ومحدش يقدر يعمل أي حاجة في الوجود اللي احنا فيه ده إلا بأمر الله سبحانه وتعالى. 

وأكد الرئيس عبدالفتاح السيسي، احنا كدولة، كانت دايما بتتعامل مع الأمور بشرف كبير، وبأمانة كبيرة، وبنزاهة كبيرة، وفيه حاجات كتير بنعملها محدش من الناس بيأخذ باله منها، وإحنا مش ناسيين إن فيه رب وربنا يحفظنا كلنا.. يمكن حد يفتكر أو ينسى مع الظروف إن الأمور مش ممسوكة، مش بينا إحنا البشر لا برب البشر. 

جدير بالذكر أن، قد أهدى الرئيس عبدالفتاح السيسي، باقة ورد بيضاء إلى قداسة البابا تواضروس الثاني، بابا الإسكندرية وبطريرك الكرازة المرقسية، تهنئة بعيد الميلاد المجيد.